ملتان۔ 06 مئی (اے پی پی):کمشنرملتان ڈویژن عامر کریم خاں نے کہاہے کہ حکومت پنجاب کی جانب سے ملتان ڈویژن کو اگیتی کاشت کیلئے 3 لاکھ 80 ہزار ایکڑ پر کپاس کی کاشت کا ہدف دیا گیا تھاجس کا 95 فیصد ٹارگٹ حاصل کیا جاچکا ہے۔
انہوں نے ان خیالات کااظہار منگل کو کپاس کی کاشت بارے جائزہ اجلاس کی صدارت کرتے ہوئے کیا ۔کمشنر نے کہاکہ موسمی کاشت کیلئے 8 لاکھ 20 ہزار ایکڑ پر کپاس کاشت کرنے کا ہدف دیا گیا ہے جواس ماہ کے آخر تک مکمل کرلیا جائے گا۔
انہوں نے کہاکہ محکمہ زراعت کا سٹاف کپاس کی کاشت بارے کسانوں کے مسائل حل کرنے کے لئے فیلڈ میں موجود ہے۔انہوں نے ہدایت کی کہ سفیدمکھی، سبز تیلے تھرپس اور جڑی بوٹیوں پر خصوصی نظر رکھی جائے اورمزید پیسٹ سکاو¿ٹنگ،سرویلنس میں تیزی،ضرر رساں کیڑوں کے حملے کو بروقت کنٹرول کیا جائے۔
انہوں نے مزید کہاکہ ڈویژن میں کپاس کی فصل کیلئے وافر پانی مہیا کیا گیا ہے،کسان کی روزی روٹی زمین سے جڑی ہے، اس کی داد رسی ناگزیر ہے۔ عامر کریم خاںنے کہاکہ حکومت پنجاب کسانوں کو ریلیف دینے بارے اقدامات کررہی ہے۔
اس موقع پر ڈائیریکٹر زراعت شہزاد صابر نے اجلاس کو کپاس کی فصل بارے تفصیلی بریفنگ دیتے ہوئے بتایاکہ اس وقت ڈویژن میں یوریا کے 558455 اور ڈی اے پی کے 206851 تھیلے موجود ہیں۔
Short Link: https://urdu.app.com.pk/urdu/?p=593374
