اسلام آباد ۔2جنوری (اے پی پی):ملک میں جاری دھند کے باعث پی آئی اے کا فضائی آپریشن متاثر ہوگیا ۔ ترجمان کے مطابق ملک بھر میں جاری موسم کی صورتحال کے باعث لاھور ، فیصل آباد، ملتان، اور سیالکوٹ کے لیے پی آئی اے کی پروازیں متاثر ہو رہی ہیں۔
مسافر اپنی پرواز سے متعلق پی آئی اے کے کال سینٹر یا ویب سائٹ سے بروقت معلومات حاصل کر سکتے ہیں ۔ترجمان نے کہاکہ مسافروں سے درخواست ہے کہ پرواز کے لیے بکنگ کے وقت ائر لائن کی جانب سے رابطے کے لئےدرست اور فعال نمبر کا اندراج لازمی کروائیں، پی آئی اے اپنے فضائی آپریشن کی حفاظت کو ناگزیر سمجھتا ہے، دھند کے باعث متاثرہ پرواز کی صورت میں طیارے اور زمینی عملے سے بھرپور تعاون کریں ۔
ترجمان پی آئی اے نے کہاکہ پروازوں کی تاخیر کے نتیجے میں مسافروں کی طرف سے عملے کے ساتھ عدم تعاون پرواز کی روانگی میں مزید تاخیر کا سبب بن سکتا ہے۔
