ملک کے بیشتر علاقوں میں موسم سرد اور خشک رہے گا، میدانی علاقوں میں سموگ /دھند چھائے رہنے کا امکان

اسلام آباد۔5دسمبر (اے پی پی):ملک کے بیشتر علاقوں میں موسم سرد اور خشک رہے گا جبکہ میدانی علاقوں میں سموگ /دھند چھائے رہنے کا امکان ہے ۔ محکمہ موسمیات کے مطابق آج بدھ کے روز ملک کے بیشتر علاقوں میں موسم سرد اور خشک رہے گا ۔

اس دوران پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں سموگ /دھند چھائے رہنے کا امکان ہے ۔گذشتہ 24 گھنٹوں کے دوران ملک کےبیشترعلاقوں میں موسم سرد اور خشک رہا ۔ اس دوران ملک میں کم سے کم درجہ حرارت لہہ منفی 09،سکردو منفی 07، گلگت، استور،قلات منفی 04، کالام ، پلوامہ،بارہ مولہ منفی 03،گوپس اور اننت ناگ میں منفی 02ڈگری سینٹی گریڈ ریکارڈ کیا گیا۔

Short Link: https://urdu.app.com.pk/urdu/?p=417020