اسلام آباد۔8جولائی (اے پی پی):منشیات فروشی ،راہزنی اور موٹر سائیکل چوری کی متعدد وارداتو ں میں ملوث منظم گروہ کے دو ارکان کو گرفتار کر لیا گیا۔تھانہ کھنہ پولیس ٹیم نے گرفتار ملز مان کے قبضہ سے لا کھو ں روپے ما لیت کے آٹھ مسروقہ موٹر سائیکل ، مو با ئل فون، نقدی،منشیات اور وارداتوں میں استعما ل ہونے والا اسلحہ معہ ایمو نیشن بر آمدکرلیا۔
پولیس ترجمان کے مطابق تھانہ کھنہ پولیس ٹیمو ں نے جدید تکنیکی اور انسانی ذرائع کو بروئے کار لاتے ہوئے منشیات فروشی ،راہزنی اور مو ٹر سائیکل چوری کی متعدد وارداتو ں میں ملو ث منظم گر وہ کے دو ارکان کو گرفتار کرلیا، گرفتار ملزمان کے قبضہ سے لا کھو ں روپے مالیت کے مسروقہ مو ٹر سائیکل ، موبائل فون ،نقدی، منشیات اور وارداتو ں میں استعما ل ہو نے والا اسلحہ معہ ایمو نیشن بر آمد کرلیا،گرفتار ملزمان کی شنا خت عدنان اور عطاء اللہ کے ناموں سے ہو ئی ہے، ملزمان کے خلاف متعدد مقدمات درج ہیں، ابتدائی تفتیش کے دوران گرفتار ملزمان نے تھانہ کھنہ اور ملحقہ علاقوں میں متعدد وارداتیں کرنے کا انکشاف کیا ہے،
ملزمان سے مزید تفتیش جاری ہے۔ ایس ایس پی آپریشنز اسلام آ باد محمد شعیب خان نے کہا کہ اسلام آباد پولیس وفاقی دارالحکومت اسلام آ باد میں جرائم میں ملوث ملزمان کیخلاف بھرپور کارروائیاں عمل میں لارہی ہیں، جس کی وجہ سے وفاقی دارالحکومت میں چوری اور راہزنی کے واقعات میں نمایاں کمی واقع ہوئی ہے۔
انہوں نے تمام افسران کو ہدایا ت کی کہ جرائم پیشہ افراد کے خلاف کر یک ڈائون جاری رکھا جا ئے اور انہیں قانون کی گرفت میں لایا جائے،شہریوں سے بھی گزارش ہے کہ وہ پولیس کے ساتھ تعاون کریں اور کسی بھی مشکوک چیز یا سرگرمی کے بارے میں متعلقہ تھانہ یا ’’پکار15‘‘ پر فوری اطلاع دیں۔
