- Advertisement -
فیصل آباد۔ 05 ستمبر (اے پی پی):ڈپٹی ڈائریکٹر محکمہ زراعت توسیع فیصل آباد چوہدری خالد محمود نے کہا کہ مونگ و ماش کی اچھی پیداوار کیلئے آبپاشی کے خاص خیال سمیت جڑی بوٹیوں کی بروقت تلفی یقینی بنائی جائے اور مونگ و ماش کی بیماریوں اور کیڑے مکوڑوں کے تدارک کیلئے بھی مناسب حکمت عملی اختیارکی جائے تاکہ بعد ازاں کسی نقصان کااندیشہ نہ رہے۔
انہوں نے کہاکہ مونگ ماش کی فصل کو تین پانی درکار ہوتے ہیں جن میں سے پہلا پانی اگاؤ کے تین ہفتہ بعد، دوسرا پانی پھول نکلنے پراور تیسرا پانی پھلیاں بننے پر دیاجانا چاہیے۔انہوں نے کہاکہ کاشتکاربارش کی صورت میں حسب ضرورت آبپاشی کریں تاہم زیادہ دیر تک پانی کو کھیت میں کھڑ انہ ہونے دیاجائے اور زائد پانی کی صورت میں اس کے نکاس کیلئے فوری اقدامات کئے جائیں۔
- Advertisement -
Short Link: https://urdu.app.com.pk/urdu/?p=386797
- Advertisement -
