راولپنڈی۔21اگست (اے پی پی):مڈل آرڈر بیٹر سعود شکیل پاکستان ٹیسٹ کرکٹ کی تاریخ میں تیز ترین 1000 رنز مکمل کرنے والے مشترکہ طور پر پہلے کھلاڑی بن گئے ،
انہوں نے یہ اعزاز بنگلہ دیش کے خلاف راولپنڈی ٹیسٹ کی پہلی اننگز میں حاصل کیا ، سعود شکیل نے 20 اننگز میں یہ سنگ میل عبور کیا ، پاکستان کے سابق بیٹر سعید احمد کو بھی 20 اننگز میں 1000 رنز مکمل کرنے کا اعزاز حاصل ہے ، صادق محمد نے 22 اننگز جبکہ جاوید میانداد نے 23 اننگز میں 1000 رنز مکمل کیے تھے ۔
