اسلام آباد ۔ 28 جولائی (اے پی پی) وزیر مملکت برائے وفاقی تعلیم و پیشہ ورانہ تربیت انجینئر محمد بلیغ الرحمان نے کہا ہے کہ نئی تعلیمی پالیسی وژن 2025ءسے ہم آہنگ اور سماجی طور پر بچوں کی بہتر ابتدائی تعلیم اور بہتر غذائیت پر مبنی ہوگی۔ انہوں نے یہ بات گلگت میں روپانی فاﺅنڈیشن کے زیر اہتمام تقریب سے خطاب کرتے ہوئے کہی۔ جمعرات کو جاری بیان کے مطابق انہوں نے کہا کہ بچوں کی عمر کے ابتدائی سال ان کی صلاحیتوں کو ابھارنے کے لئے انتہائی اہم ہوتے ہیں اور فاﺅنڈیشن کی جانب سے بچوں کے لئے اقدامات انتہائی قابل قدر ہیں۔ انہوں نے کہا کہ ہماری حکومت بچوں کی ابتدائی تعلیم کو بہتر بنانے پر توجہ مرکوز کئے ہوئے ہے۔ اس سلسلے میں ہم نے پبلک پرائیویٹ پارٹنر شپ سے 2013ءمیں اسلام آباد میں اکیڈمی آف ایجوکیشن پلاننگ اینڈ مینجمنٹ قائم کی جو بچوں کی ابتدائی تعلیم پر تحقیق کر رہی ہے۔
