اسلام آباد۔17جولائی (اے پی پی):خانہ کعبہ کے غلاف کے لیے کنگ عبدالعزیز کمپلیکس کے انڈر سیکریٹری انجینئر امجد الحازمی نے کہا ہے کہ کمپلیکس نے نئے ہجری سال 1445ھ کے آغاز پر خانہ کعبہ کا غلاف تبدیل کرنے کی تمام تیاریاں مکمل کر لی ہیں، غلاف کی تبدیلی کام کے آپریشنل منصوبوں کے مطابق ہو گی تاکہ اس بات کو یقینی بنایا جا سکے کہ یہ وقت پر اور اعلیٰ ترین معیار کے ساتھ مکمل ہو۔
انجینئر امجد الحازمی کے مطابق یہ کام کمپلیکس کے ملازمین میں قابلیت ، سلائی میں اعلیٰ مہارت اور درستگی کے ساتھ انجام دیا جاتا ہے تاکہ نئے غلاف کعبہ کی ظاہری شکل کو انتہائی شاندار انداز میں یقینی بنایا جا سکے۔ انہوں نے بتایہ کہ مسجد حرام اور مسجد نبوی کے امور کی جنرل پریذیڈنسی نے غلاف کعبہ کو تبدیل کرنے کے لیے تمام محکموں کی تیاری کو یقینی بنایا ہے جس میں حصہ لینے والی ٹیموں کی مہارت اور تجربہ کا پتہ لگایا جائے جن میں (غلاف بنانے والے، انجینئرز اور ٹیکنیشنز) اور 15 ملازمین کو اسے تبدیل کرنے اور اس کے معیار کی تصدیق شامل ہے۔
مسجد الحرام میں کعبہ کے کسوہ کی دیکھ بھال کے لیے جنرل ایڈمنسٹریشن کے ڈائریکٹر فہد الجابری نے بتایا کہ جنرل ایڈمنسٹریشن نے کسوہ کو تبدیل کرنے کے لیے تربیتی مشقیں کیں اور تمام اوزار سے لیس کیا۔انہوں نے کہا کہ تربیتی مشن کا مقصد شرکاء کارکنوں کی صلاحیتوں اور مہارتوں کو بہتر بنانے اور ضرورت کے مطابق کام کو انجام دینے کے لیے اضافی مہارت فراہم کرنے کے لیے مختلف مراحل اور تجربہ سے واقف کرانا ہے۔
انہوں نے بتایا کہ مسجد الحرام میں خانہ کعبہ کے غلاف کی دیکھ بھال کے لیے جنرل ایڈمنسٹریشن بہترین کارکردگی کے ساتھ اور کارکنوں سے توقع کی گئی ذمہ داری کی تکمیل کو بہتر اور تیز کرنے کے لیے کام کر رہی ہے، تربیت کے اوقات کی تعداد تقریباً روزانہ کی بنیاد پر چار گھنٹے ہے۔
فہد الجابری نے کہا کہ تربیت حاصل کرنے والوں کی تعداد 15 ہے اور آلات (کرین) کی تعداد 7 کو کعبہ مبارک کی مختلف سمتوں میں تقسیم کیا جاتا ہے۔ انہوں نے اس بات پر زور دیا کہ یہ تربیتی کارروائیاں دراصل مسجد حرام اور مسجد نبوی کے امور کے جنرل صدر شیخ ڈاکٹر عبدالرحمٰن بن عبدالعزیز السدیس کی ہدایات پر عمل درآمد ہیں جو کہ اسسٹنٹ جنرل صدر کنگ عبدالعزیز کمپلیکس برائے غلاف کعبہ اور انجینئرنگ، تکنیکی اور آپریشنل امور،انجینئر سلطان بن عطی القرشی اور اور کنگز عبدالعزیز کمپلیکس کے انڈر سیکرٹری انجینئر امجد بن عید الحزمی کی مسلسل پیروی کا نتیجہ ہے۔
