نائب وزیراعظم سینیٹر محمد اسحاق ڈار کا 9 ویں او آئی سی وزارتی کانفرنس برائے خواتین میں شرکت کے لیے آنے والے مندوبین کو خوش آمدید

اسلام آباد۔11جولائی (اے پی پی):نائب وزیراعظم اور وزیر خارجہ سینیٹر محمد اسحاق ڈار نے وفاقی دارالحکومت اسلام آباد میں 12 اور 13 جولائی کو منعقد ہونے والی اسلامی تعاون تنظیم (او آئی سی) کی 9 ویں وزارتی کانفرنس برائے خواتین میں شرکت کے لیے آنے والے تمام مندوبین کو خوش آمدید کہا ہے۔

ہفتہ کو سماجی رابطہ کی ویب سائیٹ ایکس پر اپنے ایک پیغام میں نائب وزیراعظم نے کہا کہ ہم آپ کے لیے مفید اور نتیجہ خیز مباحثوں اور اسلام آباد میں ایک یادگار قیام کے لیے نیک خواہشات کا اظہار کرتے ہیں۔