نائب وزیراعظم محمد اسحاق ڈار سے برطانیہ کی ایف سی ڈی او کے لئے پارلیمانی نائب وزیر خارجہ کی ملاقات

اسلام آباد۔15جون (اے پی پی):نائب وزیراعظم اور وزیرِ خارجہ سینیٹر محمد اسحاق ڈار سے برطانیہ کی فارن، کامن ویلتھ اینڈ ڈویلپمنٹ آفس (ایف سی ڈی او ) کے لئے پارلیمانی نائب وزیر خارجہ ہیمش فالکنر نے ملاقات کی۔پیر کو وزارت خارجہ سے جاری بیان کے مطابق ​ہمیش فالکنر نے امریکہ اور ایران کے درمیان معاہدے کو ممکن بنانے میں پاکستان کے مثبت سفارتی کردار کو بے حد سراہا۔​

دونوں رہنماؤں نے پاکستان اور برطانیہ کے تعلقات کا جائزہ لیا اور علاقائی و بین الاقوامی امور پر تبادلہ خیال کیا۔​نائب وزیراعظم و وزیرِ خارجہ نے پائیدار علاقائی امن اور استحکام کے لئے بات چیت اور سفارتکاری کے عزم کا اعادہ کیا۔​دونوں ممالک نے پاکستان اور برطانیہ کے درمیان دوطرفہ تعاون کو مزید مضبوط بنانے کے مشترکہ عزم کا بھی اعادہ کیا۔