اسلام آباد ۔ 10 نومبر (اے پی پی) پانچ سال کے دوران نیو ہاک موٹرز لمیٹڈ کی آمدنی میں دوگنا اضافہ ہوا ہے۔ پانچ سال قبل کمپنی کی آمدن 9.2 ارب روپے تھی جو 31 مارچ 2016ءکو ختم ہونے و الے مالی سال کے اختتام تک 18 ارب روپے تک پہنچ گئی۔ کمپنی کے مالیاتی اعدادو شمار کے مطابق رواں سال کی پہلی سہ ماہی میںا پریل تا جون 2016ءکے دوران کمپنی کے تیار کردہ بسوں اور ٹرکوں کی فروخت میں 39 فیصد اضافہ ہوا ہے جس سے کمپنی کی خالص آمدن میں 46 فیصد اضافہ متوقع ہے اور سہ ماہی کے لئے کمپنی کی خالص آمدنی 3.86 ارب روپے سے 5.6 ارب روپے تک بڑھ گئی ہے۔
