اسلام آباد ۔ 9 نومبر (اے پی پی) وزات منصوبہ بندی، ترقی واصلاحات نے سرکاری شعبہ کے ترقیاتی پروگراموں میں میری ٹائم افیئرز ڈویژن کے ترقیاتی کاموں کے لئے مجموعی طورپر اب تک 41 کروڑ55 لاکھ روپے سے زائد کے فنڈز جاری کردیئے ہیں، حکومت نے اس ڈویژن کے ترقیاتی کاموں کے لئے رواں مالی سال کے دوران 8 ارب 12 کروڑ روپے سے زائد کے فنڈز مختص کئے ہیں۔ پلاننگ کمیشن کی طرف سے جاری کردہ اعداد وشمار کے مطابق حکومت نے جی پی اے ہاﺅسنگ کمپلیکس کی اپ گریڈیشن کے لئے 14 کروڑ، پورٹ الائیڈ سٹرکچر کے لئے 16 کروڑ، بزنس کمپلیکس میں آر او پلانٹ کے لئے 3کروڑ، جی پی اے میں سی پیک سپورٹ یونٹ کے قیام کے لئے 3کروڑ 88 لاکھ روپے سے زائد کے فنڈز جاری کردیئے ہیں۔
