اسلام آباد ۔ 16جولائی (اے پی پی)وزارت مذہبی امور نے پرائیویٹ حج کرنے والوں کو دھوکہ دہی اورفراڈ سے بچانے کیلئے موبائل میسج 8331 سروس شروع کر د ی ہے ۔ وزارت مذہبی امور کے ذرائع کے مطابق پرائیویٹ حج سکیم کے ذریعے جو حضرات حج کرنے کا ارادہ رکھتے ہیں تو پہلے یہ تصدیق کرلیں کہ جس حج کمپنی ، ٹور آپریٹرز کے ذریعے آپ لوگ بکنگ کرنا چاہتے اس کے پاس حج کا کوٹہ ہے بھی یا نہیں تصدیق کیلئے اپنے کسی بھی موبائل نمبر سے کمپنی انرولمنٹ نمبر لکھ کر 8331پر ایس ایم ایس کریں۔
