اسلام آباد۔1جنوری (اے پی پی):وزارت منصوبہ بندی ،ترقی و اصلاحات نے سرکاری شعبے کے ترقیاتی پروگراموں میں ہائوسنگ اینڈ ورکس ڈویژن کے منصوبوں کےلئے اب تک 14ارب 23کروڑ 80لاکھ روپے کے فنڈز جاری کردیے ہیں جن میں سے 3 ارب 70 کروڑ روپے خرچ کئے جا چکے ہیں۔ پلاننگ کمیشن کی طرف سے جاری اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی کاموں کےلئے 40 ارب 68کروڑ روپے سے زیادہ کے فنڈز مختص کئے ہیں،ان میں سے اب تک 14ارب 23کروڑ 80لاکھ روپے کے فنڈز جاری جبکہ 3 ارب 70 کروڑ روپے خرچ کئے جا چکے ہیں۔
