گوادر۔27جولائی (اے پی پی): وزیراعظم محمد شہباز شریف ایک روزہ دورے پر گوادر پہنچ گئے۔گوادر پہنچنے پر گورنر بلوچستان عبدالولی کاکڑ نے وزیرِ اعظم کا استقبال کیا۔ وزیراعظم گوادر میں متعدد ترقیاتی منصوبوں کا سنگِ بنیاد و افتتاح کریں گے۔
ان منصوبوں میں 102 کلومیٹر بسیمہ۔خضدار روڈ، 55 کلومیٹر آواران۔جھلجاؤ روڈ، نیو گوادر انٹرنیشنل ائیرپورٹ اور132 کے وی کی پنجگور ۔ ناگ۔بسیمہ۔نل ٹرانسمشن لائن سرِ فہرست ہیں۔وزیراعظم محمد شہباز شریف گوادر کے مستحق ماہی گیروں میں امدادی چیک تقسیم کریں گے۔ وزیراعظم گوادر یونیورسٹی کے ہونہار طلبا و طالبات میں لیپ ٹاپ بھی تقسیم کریں گے۔وزیرِ اعظم ان تقاریب سے خطاب بھی کریں گے۔
