اسلام آباد ۔ 29 جون (اے پی پی) وزیراعظم عمران خان نے کراچی میں پاکستان سٹاک ایکسچینج پر کئے گئے دہشت گرد حملہ کی شدید الفاظ میں مذمت کی ہے۔ پیر کو سماجی رابطوں کی ویب سائٹ ٹویٹر پر اپنے ایک پیغام میں وزیراعظم نے دہشت گردی کی کارروائی کو ناکام بنانے والے بہادر سپاہیوں اور محافظوں کو سلام پیش کیا۔ انہوں نے اپنے ٹویٹ میں بہادری کا مظاہرہ کرتے ہوئے شہید ہونے والے اہلکاروں کی تصاویر کو بھی شیئر کیا۔
