اسلام آباد ۔ 6 جولائی (اے پی پی) وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ فلمیں کسی بھی معاشرے کی ثقافت، اقدار اور تشخص کو اجاگر کرنے کا اہم ذریعہ ہوتی ہیں،وزیراعظم عمران خان کے وژن کے تحت فلمی صنعت کی بحالی اور ترقی حکومت کی اولین ترجیح ہے، فلمی صنعت کو درپیش مسائلِ کے حل اور فنکاروں کی فلاح وبہبود کے لئے تمام ممکنہ اقدامات کیے جائیں گے،پروڈیوسرز اور ڈائریکٹرز کے ساتھ مشاورت سے اس صنعت کو درپیش مسائل کے حل کے لئے جامع حکمت عملی ترتیب دی جائے گی۔
