اسلام آباد۔29دسمبر (اے پی پی):وفاقی کابینہ نے قومی احتساب بیورو اور امریکہ کی فیڈرل بیورو آف انوسٹی گیشن(FBI) کے مابین مفاہمتی یادداشت دستخط کرنے، سی ڈی اے کو اسلام آباد میں اسپیشل ٹیکنالوجی زون قائم کرنے کیلئے 120 ایکڑ زمین مختص کرنے کی اجازت دینے ، گلگت بلتستان میں تین سال کے لئے فرنٹیئر کانسٹیبلری تعینات کرنے ،ڈرگ ریگولیٹری اتھارٹی آ ف پاکستان میں 16 وفاقی ڈرگ انسپکٹرز کی تعیناتی اوران کادائرہ کارمختص کرنے اورجاوید غنی کو چیئرمین فیڈرل بورڈ آف ریونیو تعینات کرنے کی منظوری دیدی ،جبکہ پیٹرولیم ڈویژن نے کابینہ کو ملک میں گیس کی دستیابی کے حوالے سے بریفنگ دی،کابینہ کو بتایا گیا کہ برطانیہ سے آنے والے مسافروں کی نگرانی کی جا رہی ہے اور کرونا ویکسین کے حوالے سے حتمی فیصلہ عنقریب لے لیا جائے گا۔وزیر اعظم عمران خان کی زیر صدارت وفاقی کابینہ کا اجلاس منگل کو منعقد ہوا۔۔کابینہ کو معاون خصوصی برائے صحت ڈاکٹر فیصل سلطان نے کرونا وبا کی موجودہ صورتحال پر بریفنگ دی۔ کابینہ کو بتایا گیا کہ برطانیہ سے آنے والے مسافروں کی نگرانی کی جا رہی ہے اور کرونا ویکسین کے حوالے سے حتمی فیصلہ عنقریب لے لیا جائے گا۔ کابینہ کو بتایا گیا کہ کرونا وبا کی دوسری لہر کے دوران پاکستان طبی سامان کے لحاظ سے خود کفیل ہو چکا ہے، جس میں وینٹیلیٹر، ماسک اور دیگر سامان ملک کے اندر ہی بنایا اور استعمال کیا جا رہا ہے،پیٹرولیم ڈویژن نے کابینہ کو ملک میں گیس کی دستیابی کے حوالے سے بریفنگ دی ،وزارت داخلہ اور سی ڈی اے نے کابینہ کو مارگلہ روڈ اسلام آباد پر تجاوزات ہٹانے کے حوالے سے درکار وقت کے بارے آگاہ کیا۔ کابینہ کو آگاہ کیا گیا کے وزارت دفاع نے بلڈنگ پلان کی منظوری کیلئے سی ڈی اے کو باضابطہ درخواست دے دی ہے۔ E-9 سیکٹر میں موجود شادی ہال کا کنٹریکٹ منسوخ کر دیا گیا ہے۔ مارگلہ روڈ پر حفاظتی دیوار کو 6 مہینے کی مدت میں اپنی منظور شدہ حدود کے اندر منتقل کر دیا جائے گا۔ اسی سیکٹر سے گزرنے والے نالے کی صفائی کے لئے 3 مہینوں میں ویٹ لینڈتعمیر کیا جائے گا۔ اس کے علاوہ پاکستان نیوی، پاکستان ایئرفورس اور سی ڈی اے کی شراکت سے ان سیکٹرز میں ٹریفک کے دباؤ کو کم کرنے کے لئے انڈر پاس تعمیر کیا جائے گا۔ کابینہ کو اس بات کی یقین دہانی کرائی گئی کہ اسلام آباد کے اندر کسی بھی سبزے کو ختم یا تعمیرات کیلئے مختص نہیں کیا جائے گا۔ کابینہ نے سی ڈی اے کو اسلام آباد میں اسپیشل ٹیکنالوجی زون قائم کرنے کیلئے 120 ایکڑ زمین مختص کرنے کی اجازت دی۔کابینہ نے گلگت بلتستان میں تین سال کے لئے فرنٹیئر کانسٹیبلری تعینات کرنے کی منظوری دی۔یہ تعیناتی محکمہ جنگلات، جنگلی حیات اور ماحولیات گلگت بلتستان کے ساتھ ہو گی تاکہ قدرتی وسائل کا تحفظ ممکن بنایا جا سکے۔ کابینہ نے ڈاکٹر محمد سعید خان جدون کو ڈائریکٹر جنرل، ہائیڈروکاربن ڈویلپمنٹ انسٹی ٹیوٹ آف پاکستان تعینات کرنے کی منظوری دی۔کابینہ نے وزارت صحت کو 219.30 ملین روپے جاری کرنے کی منظوری دی جوکہ اسلام آباد میں حالیہ تکمیل شدہ آئسولیشن ہسپتال و انفیکشنزٹریٹمنٹ سینٹر کو فعال بنانے کے لئے استعمال ہوگی۔کابینہ نے ڈرگ ریگولیٹری اتھارٹی آ ف پاکستان میں 16 وفاقی ڈرگ انسپکٹرز کی تعیناتی اوران کادائرہ کارمختص کرنے کے منظوری دی۔کابینہ نے جاوید غنی کو چیئرمین فیڈرل بورڈ آف ریونیو تعینات کرنے کی منظوری دی۔کابینہ نے قومی احتساب بیورو (NAB)اور امریکہ کی فیڈرل بیورو آف انوسٹی گیشن(FBI) کے مابین مفاہمتی یادداشت دستخط کرنے کی اجازت دی۔کابینہ نے نجکاری کمیٹی کے مورخہ 24 دسمبر2020 ء کو منعقدہ اجلاس میں لئے گئے فیصلوں کی توثیق کی۔کابینہ نے اقتصادی رابطہ کمیٹی کے مورخہ 24 دسمبر2020 ء کو منعقدہ اجلاس میں لئے گئے فیصلوں کی توثیق کی۔ دی۔کابینہ نے نجکاری کمیٹی کے مورخہ 24 دسمبر2020 ء کو منعقدہ اجلاس میں لئے گئے فیصلوں کی توثیق کی۔کابینہ نے اقتصادی رابطہ کمیٹی کے مورخہ 24 دسمبر2020 ء کو منعقدہ اجلاس میں لئے گئے فیصلوں کی توثیق کی۔
