اسلام آباد ۔ 15 جون (اے پی پی)وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ دو خاندانوں نے کرپشن کو تحفظ دینے, جعلی اکاﺅنٹس اور منی لانڈرنگ کے لئے اپنی خواتین کو ڈھال بنا کر عورت کے تقدس کو پامال کیا۔ہفتے کو سماجی رابطے کی ویب سائیٹ ٹوئٹر پر جاری بیان کے مطابق انہوں نے کہا کہ دو خاندانوں نے کرپشن کو تحفظ دینے، جعلی اکاﺅنٹس اور منی لانڈرنگ کے لئے اپنی خواتین کو ڈھال بنا کر عورت کے تقدس کو پامال کیا، انہیں چاہیے کہ وہ اپنے اعمال کا محاسبہ کریں احتساب کے عمل کا نہیں۔ انہوں نے کہا کہ وزیر اعظم عمران خان پاکستان کو ریاست مدینہ کے اصولوں پر قائم کرنے کی جانب گامزن ہیں جہاں مرد اور عورت کی تفریق کے بغیر قانون کا یکساں اطلاق ہی بنیادی اصول تھا۔
