وزیر اعلی پنجاب کے اگیتی کپاس کی کاشت سے متعلق خصوصی پیکیج

لاہور۔24مارچ (اے پی پی):وزیر اعلی پنجاب مریم نواز کے اگیتی کپاس کی کاشت سے متعلق خصوصی پیکج کے تحت 25ہزار روپے مالی اعانت کیلئے فیصل آباد،سرگودھا،ساہیوال،ملتان،بہاولپور اور ڈی جی خان کے ایسے کاشتکار درخواست دینے کے اہل ہیں جنہوں نے31مارچ تک 5ایکڑ یا اس سے زائد ملکیتی رقبہ پر محکمہ زراعت پنجاب کی سفارش کردہ کپاس کی اقسام کی کاشت مکمل کرلی ہو۔

اس پیکج کے تحت کاشتکار3اپریل2025تک درخواستوں کی وصولی اور رجسٹریشن کے لئے متعلقہ اسسٹنٹ ڈائریکٹر زراعت(توسیع) کے دفتر سے رابطہ کر سکتے ہیں۔درخواست فارم محکمہ زراعت پنجاب کی آفیشل ویب سائٹwww.agripunjab.gov.pkسے بھی ڈاون لوڈ کئے جا سکتے ہیں۔

Short Link: https://urdu.app.com.pk/urdu/?p=575889