لاہور۔18ستمبر (اے پی پی):وزیر اعلی پنجاب چودھری پرویزالہی نے کلر کہار کے قریب ٹریفک حادثے میں قیمتی انسانی جانوں کے ضیاع پر افسوس کا اظہار کیا ہے۔
وزیر اعلی نے جاں بحق افراد کے لواحقین سے دلی ہمدردی و اظہار تعزیت کیا ہے۔وزیر اعلی نے انتظامیہ کو ہدایت کی کہ زخمیوں کو علاج معالجے کی بہترین سہولتیں فراہم کی جائیں۔
وزیر اعلی نے مزید ہدایت کی کہ غفلت کے ذمہ دار ڈرائیور کے خلاف بلاامتیاز قانونی کارروائی کی جائے اور قانون کی گرفت میں لایا جائے۔