انہوں نے کہا کہ میرے لیے یہ بڑے اعزاز کی بات ہے کہ میں آج یہاں اپنے ان نوجوانوں میں موجود ہوں جو یقیناً ہمارے کل کے سٹار ہوں گے، انہی میں سے ضرور کوئی بابر اعظم بنے گا تو کوئی شعیب اختر ہو گا۔ انہوں نے کہا کہ ہمیں کرکٹ سمیت اپنے قومی کھیل ہاکی کی بحالی کے لیے بھی کام کرنے کی اشد ضرورت ہے کیونکہ صحت مند معاشرے کے لیے کھیلوں کے میدانوں کا آباد ہونا انتہائی ضروری ہے، سیالوٹ کے عوام نے مجھے جتنی عزت بخشی میں سیالکوٹ کے باسیوں کا حق تو ادا نہیں کرسکتا لیکن صوبائی اور وفاقی حکومت کی جانب سے کھیلوں کے فروغ سمیت کھلاڑیوں کی تربیت کے لیے جتنی بھی امداد یا سپورٹ مل سکتی ہوئی ضرور لیکر دوں گا اور ہر ممکن تعاون کروں گا۔
سیالکوٹ کی تاجر برادری کے قائد ریاض الدین شیخ، رکن صوبائی اسمبلی محمد منشاءاللہ بٹ، سابق میئر چوہدری توحید اختراور صدر ضلع سیالکوٹ کرکٹ ایسوسی ایشن ملک فیصل خورشید بھی اس موقع پر یہاں موجود تھے۔
