وفاقی وزیر اطلاعات عطاءاللہ تارڑ کا سینئر صحافی نوید اکبر کے والد کے انتقال پر اظہار افسوس

اسلام آباد۔26مارچ (اے پی پی):وفاقی وزیر اطلاعات و نشریات عطاءاللہ تارڑ نے سینئر صحافی نوید اکبر کے والد کے انتقال پر گہرے دکھ اور افسوس کا اظہار کیا ہے۔ بدھ کو اپنے تعزیتی بیان میں وفاقی وزیر اطلاعات نے نوید اکبر اور دیگر اہل خانہ سے دلی تعزیت کا اظہار کرتے ہوئے کہا کہ نوید اکبر کے والد کے انتقال کی خبر سن کر دلی افسوس ہوا۔

انہوں نے کہا کہ والدین قدرت کا انمول تحفہ ہیں، ان کا بچھڑ جانا بڑا صدمہ اور ناقابل تلافی نقصان ہے۔ عطاءاللہ تارڑ نے کہا کہ سوگوار خاندان کے دکھ میں برابر کے شریک ہیں۔ انہوں نے دعا کی کہ اللہ تعالیٰ مرحوم کو اپنے جوار رحمت میں اعلیٰ مقام اور لواحقین کو صبر جمیل عطا فرمائے۔ آمین

Short Link: https://urdu.app.com.pk/urdu/?p=576334