اسلام آباد ۔ 16 مارچ (اے پی پی) وفاقی وزیر برائے آبی وسائل فیصل واوڈا نے کرائسٹ چرچ کی مسجد میں دہشتگردی کے واقعے کی شدید مذمت اور قیمتی جانی نقصان پر افسوس کا اظہار کیا ہے۔یہاں ایک بیان میں انہوں نے کہا کہ مسجد میں عبادت کرتے مسلمانوں پر دہشتگردی کا حملہ انتہائی قابل مذمت ہے،دہشتگردوں کا کوئی مذہب نہیں ہوتا۔انھوں نے شہید ہونے والے مسلمان بھائیوں کے خاندانوں کے ساتھ اظہارِ ہمدردی بھی کیا۔
