اسلام آباد ۔ 06 مارچ (اے پی پی) وفاقی وزیر داخلہ، ترقی و منصوبہ بندی پروفیسر احسن اقبال کی زیر صدارت منگل کو ”لیپ ٹاپ فار آل سکیم“ کے حوالے سے اجلاس منعقد ہوا۔ اجلاس میں ایچ ای سی، بینکوں اور وزارت تعلیم کے سربراہان نے شرکت کی۔ وزیر داخلہ نے ہدایت کی کہ ”لیپ ٹاپ فار آل“ سکیم کو فوری طور پر حتمی شکل دی جائے۔ انہوں نے کہا کہ یونیورسٹی کے ہر طالب علم کےلئے لیپ ٹاپ ناگزیر ہو چکا ہے، حکومت ہر سال ایک لاکھ سٹوڈنٹس کو لیپ ٹاپ میرٹ پر فراہم کرتی ہے۔
