- Advertisement -
اسلام آباد۔25اگست (اے پی پی):وفاقی وزیر ریلوے محمد حنیف عباسی کے نوٹس پر ریلوے گارڈ پر تشدد کے واقعہ کی انکوائری مکمل کر لی گئی۔ آئی جی ریلوے پولیس نے انکوائری رپورٹ وفاقی وزیر کو پیش کی جس کی روشنی میں ریلوے پولیس بہاولپور کے کانسٹیبل ندیم کو فوری طور پر معطل کر دیا گیا۔ترجمان ریلوے کے مطابق متاثرہ گارڈ کی مدعیت میں ملزم کانسٹیبل کے خلاف ایف آئی آر بھی درج کرا دی گئی ہے۔ وزیر ریلوے نے کہا کہ وہ اپنے کسی ملازم کے خلاف دھونس اور دھمکی والا رویہ ہرگز برداشت نہیں کریں گے۔محمد حنیف عباسی نے مزید ہدایت کی کہ سرکاری امور میں رخنہ ڈالنے والوں کے خلاف سخت قانونی کارروائی عمل میں لائی جائے تاکہ ادارے میں نظم و ضبط اور پیشہ وارانہ ماحول کو یقینی بنایا جا سکے۔
- Advertisement -
