فیصل آباد۔ 14 دسمبر (اے پی پی):ٹماٹر کی عمومی کاشت کےلئے منظور کی گئی سالار ایف ون قسم 72 ٹن فی ایکڑ تک پیداوار دیتی ہے،ساحل ایف ون اور نقیب کی کاشت سے بھی ٹماٹر کی بہتر پیداوار حاصل کی جاسکتی ہے۔
ڈپٹی ڈائریکٹر محکمہ زراعت توسیع فیصل آباد چوہدری خالد محمود نے بتایا کہ ٹماٹر کی ٹنل میں کاشت کےلئے دو طرح کی اقسام سے استفادہ کیاجاسکتاہے جن میں ایک لمبے قد والی دوسری چھوٹے و درمیانے قد والی قسم شامل ہیں۔ انہوں نے بتایاکہ حالیہ تجربات سے یہ بات بھی ثابت ہوئی ہے کہ ٹنل میں کاشت کےلئے ٹماٹر کی دوغلی یعنی ہائبرڈ اقسام زیادہ موزوں ہے۔
انہوں نے بتایاکہ ٹماٹر کی سالار ایف ون قسم عمومی کاشت کےلئے منظور کی گئی ہے جو 72 ٹن فی ایکڑ تک پیداوار دیتی ہے۔اسی طرح ساحل ایف ون نامی لمبے قد والی امپورٹڈ قسم میں ٹماٹر کاسائز قدرے بڑا اور شکل لمبوتری دل نما ہوتی ہے اور یہ قسم بھی اچھی پیداواری صلاحیت کی حامل ہے۔
انہوں نے بتایاکہ نقیب نامی قسم چھوٹے قدکی عمومی کاشت کےلئے منظور شدہ ہے جو 21 سے 25 ٹن فی ایکڑ پیداوار دیتی ہے۔
Short Link: https://urdu.app.com.pk/urdu/?p=419828
