پاکستان میں بسنے والی اقلیتوں کے جان ومال اوران کے مقدس مقامات کا تحفظ حکومت کی ذمہ داری ہے ،گورنر پنجاب چوہدری محمدسرور

55
ہم اپنے بل بوتے پر سینیٹ الیکشن لڑیں گے ، گور نر پنجاب چوہدری محمدسرور کی میڈیا سے گفتگو

لاہور۔12جنوری (اے پی پی):گورنر پنجاب چوہدری محمدسرور کی سر براہی میں قائم مذہبی سیاحت اور ورثہ کمیٹی کا مسیحیوں کیلئے بڑا تحفہ،مسیحی کیمونٹی کے مقد س ترین مقام”زیارت مقدس مر یم“ کی تزئین و آرائش کیلئے ماسٹر پلان بنانے کافیصلہ ، مر یم آباد چرچ میں فلٹر یشن پلانٹ لگانے کا بھی اعلان ،شیخوپورہ روڈ سے مریم آباد تک66ملین روپے کی لاگت سے زیر تعمیر سڑک کے کام کو بھی تیزکر نے کی ہدایت کردی۔تفصیلات کے مطابق گور نر پنجاب چوہدری محمدسرور کی سر براہی میں مذہبی سیاحت کے فروغ کیلئے قائم مذہبی سیاحت اور ورثہ کمیٹی صوبہ بھر میں تمام مذاہب کے مقدس مقامات کی تزئین و آرائش کیلئے کام کر رہی ہے، کمیٹی کے سر براہ گور نر پنجاب چوہدری محمدسرور نے صوبائی وزیر اقلیتی امور اعجا زعالم اور مسیحی کیمونٹی کے دیگر نمائندگان کے ہمراہ زیارت مقد س مریم (مر یم آباد) کا دورہ کرتے ہوئے وہاں انتظامات اور سہولتوں کا جائزہ لیا۔اس موقع پر گور نر پنجاب نے کہا کہ زیارت مقدس مر یم اور چرچ سمیت دیگر مقامات کا تفصیلی دورہ کر نے کے بعدہم نے یہ فیصلہ کیا ہے کہ زیارت مقد س مریم کی تزئین وآرائش سمیت وہاں سیاحوں کیلئے تمام سہولتوں کی فراہمی کو یقینی بنانے کیلئے ماسٹر پلان بنایا جائے گا جس کے تحت سیاحوں کیلئے وہاں رہائشی کمرے،ہوٹل اور دیگر سہولتوں کی فراہمی بھی شامل ہوں گی۔ چوہدری محمدسرورنے مزید کہا کہ 66ملین روپے کی لاگت سے شیخوپورہ روڈ سے مر یم آباد تک سڑک پر کام شروع ہو چکا ہے جبکہ وہاں پر بجلی اور گیس کی فراہمی کیلئے بھی وفاقی حکومت کے متعلقہ اداروں سے بات کی جارہی ہے۔ ا ±نہوں نے کہا کہ خوشی قسمتی سے پاکستان میں مسیحیوں اورسکھوں سمیت تمام مذاہب کے ایسے مقدس مقامات موجود ہیں جہاں پرسیاحت کے فروغ کے ذریعے ہم سالانہ 4/5ارب ڈالرز حاصل کر نے میں کامیاب ہوسکتے ہیں۔گورنر پنجاب نے کہاکہ صرف زیارت مقدس مر یم پر سالانہ 1.2ملین سے زائد لوگ مذہبی فرائض کی ادائیگی کے لیے آتے ہیں۔ ا ±نہوں نے کہا کہ جب زیارت مقد س مر یم پر سیاحوں کیلئے تمام بنیادی سہولتیں موجود ہوں گی تو اس کے بعد یقینی طورپر زیارت مقد س مر یم پر آنیوالوں کی تعداد میں بھی مزید اضافہ ہوگا۔ا ±نہوں نے کہا کہ پاکستان میں بسنے والی اقلیتوں کے جان ومال اوران کے مذہبی مقدس مقامات کا تحفظ ہماری حکومت کی ذمہ داری ہے جس کو ہم ہر صورت یقینی بنائیں گے اور اس بات میں کوئی شک نہیں کہ پاکستان اقلیتوں کیلئے محفوظ تر ین ملک ہے جہاں قائد اعظم محمد علی جناح کے افکار کے مطابق اقلیتوں کو مکمل مذہبی آزادی اور تحفظ دیا جاتا ہے۔