راولپنڈی۔3مئی (اے پی پی):پاک بحریہ کے سربراہ ایڈمرل نوید اشرف نےچین کی پیپلز لبریشن نیوی کے ہیڈکوارٹر کا دورہ کیا۔ چین کی بحریہ کے کمانڈر ایڈمرل ہو ژونگ منگ سے ملاقات میں دوطرفہ بحری تعاون اور علاقائی میری ٹائم سکیورٹی کے امور پر تبادلہ خیال کیا۔ آئی ایس پی آر کے مطابق پاک بحریہ کے سربراہ نے میری ٹائم سکیورٹی پٹرول کے ذریعے علاقائی میری ٹائم امن و استحکام کے لیے پاک بحریہ کے کردار کو اجاگر کیا۔ چینی بحریہ کے کمانڈر نے خطے میں مشترکہ میری ٹائم سکیورٹی میں پاک بحریہ کے کردار کو سراہا اور مضبوط دوطرفہ بحری تعاون کی اہمیت پر زور دیا۔امیر البحر کے دورے سے دونوں ممالک کے مابین بالعموم اور مسلح افواج کے درمیان بالخصوص دفاعی تعلقات کو مزید وسعت ملے گی۔\
