پشاور۔ 17 نومبر (اے پی پی):ملک بھر میں مقیم غیر قانونی تارکین وطن کا انخلا جاری ہے، اس سلسلے میں مزید 425 خاندان واپس وطن چلے گئے۔ محکمہ داخلہ و قبائلی امور خیبرپختونخوا کے مطابق پاکستان میں غیرقانونی طور پر مقیم تارکین وطن کی واپسی کے لئے اقدامات میں تیزی آ رہی ہے۔
اب تک طورخم بارڈر کے راستے 2 لاکھ 16 ہزار 83 افراد افغانستان بھیجے گئے ہیں،اب تک 18 ہزار 592 خاندان، 60 ہزار 783 مرد، 47 ہزار 728 خواتین اور 1 لاکھ 7 ہزار 572 بچے وطن لوٹ چکے ہیں اور آج جمعہ کو مزید 425 خاندان واپس افغانستان بھیجے گئے ہیں جن میں 411 مرد، 448 خواتین اور 813 بچے شامل ہیں۔
