صحبت پور۔ 05 جون (اے پی پی):پولیس تھانہ صحبت پور اور سی آئی اے پولیس کی مشترکہ کاروائی میں منشیات فروش ملزم کو گرفتار کرکے چرس برآمد کر لی گئی ۔
انسپکٹر جنرل آف پولیس بلوچستان و ڈی آئی جی نصیر آباد رینج محمد سلیم لہڑی کی خصوصی ہدایات پر ایس پی صحبت پور غلام حسین باجوئی کے احکامات پر عملدرآمدکرتے ہوئے ایس ایچ او پولیس تھانہ صحبت پور مولاداد کنرانی اور سی آئی اے انجارچ علی رضا کھوسہ نے مخبر خاص کی خفیہ اطلاع پر اپنی ٹیم کے ہمراہ کارروائی کرکے کنرانی محلہ جھونپڑی سے منشیات فروش مسمی بشیر احمد شیخ ولد نصیر شیخ کو گرفتار کرکے ملزم کے قبضے سے 510 گرام پختہ چرس برآمد کر لی
جو کہ گرفتار شدہ ملزم نے بیچنے کی نیت سے خرید کر رکھی تھی ملزم کے خلاف مقدمہ درج کرکے گرفتار ملزم سے مزید تفتیش شروع کردی۔
