27.2 C
Islamabad
ہفتہ, اگست 30, 2025
ہومعلاقائی خبریںپی ایچ اے سرگودھا کےزیرِاہتمام جشنِ آزادی کی تیاریوں کو حتمی شکل...

پی ایچ اے سرگودھا کےزیرِاہتمام جشنِ آزادی کی تیاریوں کو حتمی شکل دے دی گئی

- Advertisement -

سرگودھا ۔ 13 اگست (اے پی پی):پارکس اینڈ ہارٹیکلچر اتھارٹی سرگودھا کے زیراہتمام جشنِ آزادی کی تیاریوں کو حتمی شکل دے دی گئی ہے۔ تقریب ثقافتی فخر، قومی یکجہتی اورعوامی شرکت کو یکجا کرے گی۔ مرکزی تقریب 13 اگست کو شام 8 بجے پی ایچ اے آفس کے سرسبز و شاداب لان میں ہوگی۔ ان خیالات کا اظہار ڈائریکٹر جنرل پارکس اینڈ ہارٹیکلچر اتھارٹی سرگودھا چوہدری محمد ارشد نے اے پی پی سے گفتگو کرتے ہوئے کیا۔ انہوں نے کہا کہ اس پروگرام میں قومی گانوں سے بھرپور میوزیکل شو، ایک متحرک آتش بازی کا مظاہرہ اور ایک خصوصی سیگمنٹ پیش کیا جائے گا جس میں پاکستان کی مسلح افواج کو ’آپریشن بنیانم مارسوس‘ میں کامیابی پر زبردست خراجِ تحسین پیش کیا جائے گا۔

انہوں نے کہا کہ یہ تقریب پاکستان کی تخلیق کے مقاصد کو بھی اُجاگر کرے گا، خاص طور پر نوجوان نسل کو ان قربانیوں اور امنگوں کے بارے میں آگاہ کرنے پر جس نے قوم کو تشکیل دیا۔ انہون نے مزید بتایا کہ آدھی رات کو جیسے ہی گھڑی پر 12 بجیں گے فوری طورپر آسمان آتش بازی سے جگمگا اُُٹھے گا جس کے ساتھ ملک کے شہداء کو دلی خراجِ تحسین پیش کیا جائے گا جس سے جشن آزادی کی ایک جذباتی اور یادگار شروعات ہوگی۔ ڈائریکٹر جنرل پی ایچ اے چوہدری محمد ارشد نے کہا کہ یہ اقدام شہری مصروفیات، ثقافتی ورثے اور قومی فخر کو ایک تقریب میں یکجا کرنے کی قابلِ تحسین کوشش کی عکاسی کرتا ہے۔ اس طرح کی سرگرمیاں جشن سے بالاتر ہوتی ہیں یہ سماجی ہم آہنگی کو مضبوط کرتی ہیں، شہر کو خوبصورت بناتی ہیں اورحکومت اورعوام کے درمیان ایک پل کا کام کرتی ہیں۔

- Advertisement -

 

- Advertisement -
متعلقہ خبریں
- Advertisment -

مقبول خبریں