بیجنگ۔3اکتوبر (اے پی پی): چائنا اوپن ٹینس ٹورنامنٹ کے مینز سنگلز مقابلوں کی سیمی فائنل لائن اپ مکمل ہوگئی ہے۔
ہسپانوی ٹاپ سیڈڈ کارلوس الکاراز ، روسی ٹینس کھلاڑی اور سیکنڈ سیڈڈ ڈینیل مدویدیف ، اٹلی کے ٹینس کھلاڑی جینک سنر اور جرمن ٹینس سٹار الیگزینڈر زویروف مردوں کے سنگلز مقابلوں کے سیمی فائنل رائونڈ میں پہنچ گئے ہیں۔ مینز سنگلز مقابلوں کے کوارٹر فائنل رائونڈ میں ہسپانوی ٹاپ سیڈڈ کارلوس الکاراز نے ناروے کے حریف کھلاڑی کیسپر رڈ کو شکست دی
روسی ٹینس کھلاڑی اور سیکنڈ سیڈڈ ڈینیل مدویدیف نے فرانسیسی حریف کھلاڑی یوگو ہمبرٹ کو شکست دی، اٹلی کے ٹینس کھلاڑی جینک سنر نے کوارٹر فائنل میچ میں بلغاریہ کے گریگور دیمتروف کو مات دی اور جرمن ٹینس سٹار الیگزینڈر زویروف ٹاپ ایٹ میچ میں چلی کے ٹینس کھلاڑی نکولس جیری فلول کو ہرا کر سیمی فائنل کے لئے کوالیفائی کیا۔
مردوں کے سنگلز مقابلوں کے سیمی فائنل رائونڈ میں ہسپانوی ٹاپ سیڈڈ کارلوس الکاراز کا مقابلہ اٹلی کے ٹینس کھلاڑی جینک سنر سے ہوگا، دوسرے سیمی فائنل میچ میں روسی ٹینس کھلاڑی اور سیکنڈ سیڈڈ ڈینیل مدویدیف کا مقابلہ جرمن ٹینس سٹار الیگزینڈر زویروف سے ہوگا۔
