اسلام آباد ۔ 11 مارچ (اے پی پی) چیئرمین سینیٹ محمد صادق سنجرانی نے جوائنٹ سیکرٹری (ایچ آر ایم) سینیٹ سیکرٹریٹ عاصم خان گورایہ کے والد خان احمد گورایہ کے انتقال پر گہرے دکھ اور افسوس کا اظہار کیا ہے۔ سوگوار خاندان سے اظہار تعزیت کرتے ہوئے چیئرمین سینیٹ نے مرحوم کی مغفرت اور درجات کی بلندی کے لئے دعا کی۔ڈپٹی چیئرمین سینیٹ سلیم مانڈوی والا، قائد ایوان سینیٹ سینیٹر شبلی فراز اور قائد حزب اختلاف سینیٹ سینیٹر راجہ محمد ظفر الحق اور سیکرٹری سینیٹ امجد پرویز ملک نے بھی خان احمد گورایہ کے انتقال پر افسوس کا اظہار کرتے ہوئے مرحوم کی مغفرت کی دعا کی ہے۔
