چیئرمین پی سی بی محسن نقوی کی تیسری بار عالمی سنوکر چیمپئن شپ جیتنے پر قومی کیوئسٹ محمد آصف کو مبارکباد

اسلام آباد۔6نومبر (اے پی پی):چیئرمین پاکستان کرکٹ بورڈ محسن نقوی نے تیسری بار عالمی سنوکر چیمپئن شپ جیتنے پر قومی کیوئسٹ محمد آصف کو مبارکباد دی ہے۔ اپنے تہنیتی پیغام میں انہوں نے کہا کہ محمد آصف نے شاندار کھیل کا مظاہرہ کرکے ٹائٹل اپنے نام کیا،محمد آصف نے چیمپئن شپ جیت کر سبز ہلالی پرچم کو بلند کیا۔

انہوں نے کہا کہ محمد آصف کا تیسری بار چیمپئن شپ جیتنا پاکستان کے لئے اعزاز ہے،محمد آصف کی مزید کامیابیوں کےلئے دعا گو ہوں ۔ چیئرمین پی سی بی محسن نقوی نے محمد آصف کے مستقبل کے لئے نیک خواہشات کا بھی اظہار کیا۔