ریو ڈی جنیرو ۔ 18 اگست (اے پی پی) چین نے ریو اولمپکس گیمز ٹیبل ٹینس مینز ٹیم ایونٹ میں طلائی تمغہ جیت لیا۔ چین نے جاپان کو ہرا کر ٹائٹل اپنے نام کیا۔ برازیل میں جاری میگا گیمز میں ٹیبل ٹینس کے مینز ٹیم ایونٹ کے فائنل میں ایکس ژو ایل ما اور جے کے ذانگ پر مشتمل چینی ٹیم نے عمدہ کارکردگی کی بدولت جے میزوتانی، کے نیوا اور ایم یوشی مورا پر مشتمل جاپانی ٹیم کو 3-1 سے ہرا کر ملک کیلئے طلائی تمغہ جیتنے کا اعزاز حاصل کیا، جرمنی نے جنوبی کوریا کو زیر کر کے کانسی کا تمغہ جیتا۔
