ڈبلیو-15 اسلام آباد جُنید فیملی فاؤنڈیشن ورلڈ ٹینس ویمنز چیمپئن شپ 2026 کے دوسرے مرحلے کے مقابلے پی ٹی ایف ٹینس کمپلیکس میں جاری

اسلام آباد۔14اکتوبر (اے پی پی):ڈبلیو-15 اسلام آباد جُنید فیملی فاؤنڈیشن ورلڈ ٹینس ویمنز چیمپئن شپ 2026 کے دوسرے مرحلے کے مقابلے پاکستان ٹینس فیڈریشن (پی ٹی ایف) ٹینس کمپلیکس، اسلام آباد میں جاری ہیں۔ اس بین الاقوامی ٹورنامنٹ میں 17 ممالک کی 31 کھلاڑی شرکت کر رہی ہیں۔ ان ممالک میں فرانس، چین، روس، ڈنمارک، میکسیکو، ازبکستان، جنوبی افریقہ، نیدرلینڈز، کوریا، نیپال، جاپان، ہانگ کانگ، جرمنی، تھائی لینڈ، ترکیہ، جمہوریہ چیک اور پاکستان شامل ہیں۔ یہ ٹورنامنٹ جُنید فیملی فاؤنڈیشن کے تعاون سے منعقد کیا جا رہا ہے۔ فاؤنڈیشن کی جانب سے فراہم کردہ معاونت پاکستان میں بین الاقوامی ٹینس کے فروغ اور ترقی میں اہم کردار ادا کر رہی ہے۔

پاکستان میں جمہوریہ چیک کے سفیر لاڈیسلاو اسٹائن ہیوبل نے بدھ کو پاکستان ٹینس فیڈریشن (پی ٹی ایف) ٹینس کمپلیکس، اسلام آباد کا دورہ کیا۔ انہوں نے ڈبلیو-15 اسلام آباد جُنید فیملی فاؤنڈیشن ورلڈ ٹینس ویمنز چیمپئن شپ 2026 کے جاری مقابلے دیکھے اور شریک کھلاڑیوں سے ملاقات کرکے ان سے تبادلہ خیال کیا۔مقابلوں کے نتائج کے مطابق خواتین سنگلز دوسرے راؤنڈ کے نتائج میں آسٹرڈ سیروٹے (فرانس) نے جولیا خرامتسووا (روس) کو 6-3، 6-1 سے شکست دی۔کسینیا لاسکوتووا (روس) نے شریفے پیلین ساری (ترکیہ) کو 6-1، 6-0 سے شکست دی۔کامونوان یوڈپیتچ (تھائی لینڈ) نے ابھیلاشا بِستا (نیپال) کو 6-1، 6-1 سے شکست دی۔

ووزوکو مدلولوا (جنوبی افریقہ) نے جیونگ مون (کوریا) کو 3-6، 6-3، 6-0 سے شکست دی۔اناستاسیا کوپاریف (جرمنی) نے لیلیا پسکون (روس) کو 6-1، 6-0 سے شکست دی۔فلورینٹین ڈیکرز (نیدرلینڈز) نے سوزونا اویگاوا (جاپان) کو 7-6(5)، 4-6، 6-1 سے شکست دی۔گلوریا لیونسکی (جمہوریہ چیک) نے ایلینا جمشیدی (ڈنمارک) کو 1-6، 6-2، 6-4 سے شکست دی۔رو شی وو (چین) نے ایما وان پوپل (نیدرلینڈز) کو 4-6، 6-2، 6-1 سے شکست دی۔خواتین سنگلز پہلے راؤنڈ کے نتائج میں ایلینا جمشیدی (ڈنمارک) نے رومیسہ ملک (پاکستان) کو 6-0، 6-0 سے شکست دی۔

اناستاسیا کوپاریف (جرمنی) نے صابرینا اولیمجانوا (ازبکستان) کو 2-6، 6-1، 6-3 سے شکست دی۔ووزوکو مدلولوا (جنوبی افریقہ) نے کائی یاؤ چیونگ (ہانگ کانگ) کو 6-1، 6-2 سے شکست دی۔فلورینٹین ڈیکرز (نیدرلینڈز) نے سباستیانی لیون (میکسیکو) کو 6-2، 7-5 سے شکست دی۔ایما وان پوپل (نیدرلینڈز) نے نیسا فنیگن (جنوبی افریقہ) کو 6-0، 6-0 سے شکست دی۔

خواتین ڈبلز پہلے راؤنڈ کے نتائج میں سوزونا اویگاوا (جاپان)/جیونگ مون (کوریا) نے عشنا سہیل (پاکستان) / ماہین آفتاب قریشی (پاکستان) کو 6-2، 7-5 سے شکست دی۔کائی یاؤ چیونگ (ہانگ کانگ)/صابرینا اولیمجانوا (ازبکستان) نے ہاجرہ سہیل (پاکستان)/رومیسہ ملک (پاکستان) کو 6-2، 6-1 سے شکست دی۔

لیلیا پسکون (روس)/صوفیہ سوسلووا (روس) نے ابھیلاشا بِستا (نیپال) / واروارا روبوستوا (روس) کو 6-3، 3-6، 10-4 سے شکست دی۔کامونوان یوڈپیتچ (تھائی لینڈ) / رو شی وو (چین) نے جولیا خرامتسووا (روس)/ کسینیا لاسکوتووا (روس) کو 6-2، 6-2 سے شکست دی۔ایما وان پوپل (نیدرلینڈز)/فلورینٹین ڈیکرز (نیدرلینڈز) نے نیسا فنیگن (جنوبی افریقہ) / انا سمکینا (روس) کو 6-0، 6-0 سے شکست دی۔