لاہور۔20نومبر (اے پی پی):ڈینش انٹرنیشنل ڈیویلپمنٹ ایجنسی(ڈینیڈا) کے وفد نے واسا ہیڈ آفس کا دورہ کیا،اس موقع پر ایم ڈی واسا غفران احمد کی زیر صدارت اجلاس منعقد ہوا۔اجلاس میں کٹار بند ویسٹ واٹر ٹریٹمنٹ پلانٹ کے منصوبے پر پیش رفت کا تفصیلی جائزہ لیا گیا۔ڈائریکٹر ذیشان بلال نے پراجیکٹ کے حوالے سے بریفنگ دی اور بتایا کہ کٹار بند ویسٹ واٹر ٹریٹمنٹ پلانٹ کے لئے75 ملین یورو سے زائد لاگت کا تخمینہ ہے۔کٹار بند ویسٹ واٹر ٹریٹمنٹ پلانٹ3 سال کے عرصے میں مکمل ہوگا،ڈینیڈا بیرونی کنسلٹنٹ کے ذریعے منصوبے کے نفاذ کی نگرانی کرے گا،کٹار بند ویسٹ واٹر ٹریٹمنٹ پلانٹ منصوبہ پر91.61 فیصد ڈینیڈا اور8.39 فیصد حکومت پنجاب فنانس کرے گی جبکہ ڈینیڈا واسا لاہور کو ٹیکنیکل اور مالی معاونت فراہم کرے گا۔
کٹار بند ویسٹ واٹر ٹریٹمنٹ پلانٹ کے لیے آسان شرائط پر ڈینیڈا سسٹین ایبل انفراسٹرکچر فنانس لون فراہم کرے گا۔ایم ڈی واسا نے تمام متعلقہ اداروں،بشمول روڈا،ای پی اے، اور پی ایم ڈی ایف سی کے ساتھ مشترکہ حکمت عملی تیار کرنے پر زور دیا اور کہا کہ کٹار بند ویسٹ واٹر ٹریٹمنٹ پلانٹ ماحولیاتی آلودگی میں خاتمے میں مددگار ثابت ہوگا۔انہوں نے کٹار بند ویسٹ واٹر ٹریٹمنٹ پلانٹ کے لیے150 ایکڑ زمین کے حصول کو تیز کرنے کی ہدایات جاری کیں۔اِجلاس میں واسا لاہور سے ڈپٹی ڈائریکٹر پلاننگ ثمینہ آصف اور ڈینیڈا سے مس بنٹے اور جان شریک تھے۔
Short Link: https://urdu.app.com.pk/urdu/?p=527446
