لاہور۔19نومبر (اے پی پی):ڈی جی فوڈ اتھارٹی عاصم جاوید نے فوڈ سیفٹی ٹیموں کے ہمراہ منگل کو سٹی ایریا میں کریک ڈائون کیا۔انہوں نے 28 معروف فوڈ پوائنٹس، معروف بیکریوں کی چیکنگ کی گئی۔
9 کو 1لاکھ 37ہزار کے جرمانے عائد کئے گئے۔ ڈی جی فوڈ اتھارٹی عاصم جاوید نے بتایا کہ قوانین کی خلاف ورزی ،صفائی کے انتہائی ناقص انتظامات پر ایکشن لیا گیا ۔سابقہ ہدایات پر عملدرآمد نہ کرنے پر 9فوڈ پوائنٹس کو بھاری جرمانے عائد کیے گئے۔ انتہائی لازم ریکارڈ اور ملازمین کے میڈیکلز، ٹریننگ سرٹیفکیٹس عدم موجود پائے گئے۔
انہوں نے کہا کہ خوراک کا کاروبار کرنے والے پنجاب فوڈ اتھارٹی کے مقرر کردہ قوانین پر عملدرآمد یقینی بنائیں۔خوراک میں ملاوٹ اور جعلسازی کرنے والے عناصر کو ہرگز رعایت نہیں دی جائے گی۔انہوں نے بتایا کہ خوراک کی تیاری کیسے کی جاتی ہے، کیا اجزا استعمال کیے جارہے ہیں، کڑی نگرانی کی جارہی ہے۔ صحت دشمن کاروبار کرنے والوں کا پنجاب سے مکمل خاتمہ اولین ترجیح ہے، 24 گھنٹے ٹیمیں فیلڈ میں چیکنگ جاری رکھے ہوئے ہیں ۔
