سیالکوٹ۔ 24 فروری (اے پی پی):ڈسٹرکٹ پولیس آفیسر سیالکوٹ فیصل شہزاد نے مختلف مقامات پر کھلی کچہری کا انعقاد کیا ہے۔ پولیس ترجمان کے مطابق ڈی پی او نے گراؤنڈ بابا بوڑھی شاہ موضع دھیدووالی تھانہ صدر ڈسکہ، ریسٹ ہاؤس بنگلہ چوک ڈسکہ میں کھلی کچہری کا انعقاد کیا اور اس موقع پر لوگوں کی بڑی تعداد موجود تھی۔
انہوں نے کھلی کچہری کے موقع پر لوگوں کے مسائل دریافت کئے اور متعلقہ ایس ایچ اوز کو فوری کارروائی کرکے رپورٹس جمع کروانے کی ہدایات جاری کیں۔انہوں نے زیادہ تر لوگوں کے مسائل موقع پر ہی حل کردئ۔ڈی پی او نے کہا کہ لوگوں کو جلد انصاف کی فراہمی ہماری اولین ترجیح ہے ۔انہوں نے مزید کہا کہ کھلی کچہری کا سلسلہ جاری رہے گا،جرائم پیشہ عناصر کو کسی قسم کی رعایت نہیں دی جائے گی اور علاقے سے جرائم کا خاتمہ کیا جائے گا۔
Short Link: https://urdu.app.com.pk/urdu/?p=565716
