نیویارک ۔ 8 اگست (اے پی پی) اقوام متحدہ نے کہا ہے کہ مقبوضہ کشمیرمیں تازہ بھارتی پابندیاں خطے میں انسانی حقوق کی صورتحال کو مزید ابتر کریں گی۔ ترجمان اقوام متحدہ انسانی حقوق کمیٹی نے کشمیر میں انسانی حقوق کی خلاف ورزیوں پرتحفظات کا اظہار کرتے ہوئے کہا کہ 8 جولائی کی رپورٹ میں مقبوضہ کشمیرمیں بھارتی اقدامات کا ذکرکیا گیا، جس میں بتایا گیا کہ مقبوضہ کشمیرکی انتظامیہ سیاسی مخالفین کو سزا دینے کے لیے عقوبت خانوں کا استعمال کرتی ہے اور وادی میں مظاہرین سے نمٹنے کے لیے ماورائے عدالت قتل کیا جارہا ہے۔
