کھلاڑیوں کو پرامن اور محفوظ ماحول فراہم کرنے کیلئے کوئی کسر اٹھا نہ رکھی جائے،آئی جی پنجاب

لاہور۔26فروری (اے پی پی):انسپکٹر جنرل پولیس پنجاب ڈاکٹر عثمان انور کی ہدایت پر کھلاڑیوں، آفیشلز اور شائقین کرکٹ کو بھرپور سکیورٹی فراہم کی گئی۔

آئی جی پنجاب نے کہا کہ انٹرنیشنل کرکٹ ایونٹ کی سکیورٹی کے پیش نظر ملک دشمن عناصر پر کڑی نظر رکھیں۔ کھلاڑیوں کو پرامن اور محفوظ ماحول فراہم کرنے کیلئے کوئی کسر نہ اٹھا رکھی جائے۔ پاکستان کرکٹ بورڈ، ضلعی انتظامیہ اور سکیورٹی ایجنسیز سمیت تمام اداروں سے لمحہ بہ لمحہ کوآرڈینیشن یقینی بنائی جائے۔

ترجمان پنجاب پولیس نے بتایا کہ انگلینڈ اور افغانستان کے میچ کی سکیورٹی پر 12ہزار سے زائد پولیس افسران و اہلکار تعینات کیے گئے۔ کھلاڑیوں کی رہائش گاہ، روٹس،سٹیڈیم اور اردگرد کی بلند عمارات پر سنائیپرز تعینات کیے گئے۔

ڈولفن سکواڈ، پولیس ریسپانس یونٹ اور ایلیٹ ٹیمیں روٹس و اہم مقامات کے گرد موثر پٹرولنگ کرتی رہیں جبکہ سیف سٹیز کیمروں کی مدد سے ٹیموں کے روٹس اورسٹیڈیم سمیت اہم مقامات کی مسلسل مانیٹرنگ کی گئی۔ ٹریفک کا بلاتعطل بہا اور مناسب پارکنگ یقینی بنانے کیلئے اضافی ٹریفک وارڈنز تعینات کیے گئے۔

انہوںنے ہدایت کی کہ کھلاڑیوں کی رہائش گاہ، روٹس، سٹیڈیم کے اطراف سرچ، سویپ، کومبنگ و انٹیلی جنس بیسڈ آپریشنز جاری رکھیں۔سٹیڈیم کے داخلی و خارجی راستوں اور انٹری گیٹس پر سکیورٹی پر تعینات فورس شہریوں کے ساتھ خوش اخلاقی سے پیش آئیں۔انہوں نے کہا کہ شائقین محفوظ ماحول میں انٹرنیشنل کرکٹ سے لطف اندوز ہونے کیلئے پنجاب پولیس سے تعاون کریں۔

Short Link: https://urdu.app.com.pk/urdu/?p=566877