اسلام آباد ۔ 3 ستمبر (اے پی پی) نیشنل کمانڈ اینڈآپریشن سنٹر (این سی او سی) نے کہا ہے کہ گزشتہ 24 گھنٹوں کے دوران کورونا کے 424 نئے کیسز رپورٹ ہوئے ہیں جبکہ کورونا کے مزید 10مریض جان کی بازی ہار گئے،کورونا کے ایکٹو کیسز کی تعداد 8 ہزار 761 ہے۔ این سی او سی سے جمعرات کو جاری کردہ اعدادو شمار کے مطابق گزشتہ 24 گھنٹوں کے دوران کورونا کے 424 مریضوں کے ٹیسٹ مثبت آئے جبکہ گزشتہ 24 گھنٹوں کے دوران 10 مریض ملک بھر کے ہسپتالوں میں وائرس کی وجہ سے جاں بحق ہوئے۔گزشتہ 24گھنٹوں کے دوران 21 ہزار 744 کورونا کے ٹیسٹ کیے گئے جن میں سے سندھ میں 6 ہزار 351، پنجاب میں 9 ہزار 388، خیبرپختونخوا میں 2 ہزار 198، اسلام آباد میں 3 ہزار 86، بلوچستان میں 220، گلگت بلتستان میں 307، آزاد کشمیر میں 194 ٹیسٹ کیے گئے۔ اب تک ملک بھر میں کورونا سے صحتیاب ہونے والوں کی تعداد 2 لاکھ 81 ہزار 925 ہو چکی ہے۔آزاد کشمیر،گلگت بلتستان اور بلوچستان میں کوئی بھی کورونا کا مریض اس وقت وینٹیلیٹرز پر نہیں ہے جبکہ ملک بھر میں کورونا کے لیے مختص شدہ 1 ہزار 920 وینٹی لیٹرز پر 90 کورونا کے مریض ہیں۔اس وقت ملک بھر میں گزشتہ 24 گھنٹوں کے دوران کورونا کے ایکٹو کیسز کی تعداد 8 ہزار 761 ہے۔ ابھی تک ملک بھر میں کورونا کے مریضوں کی تعداد 2 لاکھ 97 ہزار 14 ہے جن میں سے آزاد کشمیر میں 2 ہزار 305، بلوچستان میں 12 ہزار 935، گلگت بلتستان میں 2 ہزار 935، اسلام آباد میں 15 ہزار 689، خیبر پختونخوا میں 36 ہزار 340، پنجاب میں 96 ہزار 983 اور سندھ میں 1 لاکھ 29 ہزار 827 مریض ہیں۔ ملک بھر میں کورونا سے جاں بحق ہونے والوں کی تعداد 6 ہزار 328 ہے جن میں سے سندھ میں 2 ہزار 415 جبکہ گزشتہ 24 گھنٹوں کے دوران 6 افراد ہسپتالوں میں اس وائرس کی وجہ سے جاں بحق ہوئے۔ پنجاب میں 2 ہزار 205 اموات ہوئیں جبکہ گزشتہ چوبیس گھنٹوں کے دوران ایک مریض ہسپتالوں میں اس وائرس کی وجہ سے جاں بحق ہوئے، خیبر پختونخوا میں 1 ہزار 255 جن میں سے گزشتہ چوبیس گھنٹوں کے دوران کوئی مریض فوت نہیں ہوا۔ اسلام آباد میں کل 175 ،بلوچستان میں 143جن میں گزشتہ 24 گھنٹوں کے دوران 2 مریض اس وائرس کی وجہ سے فوت ہوئے. گلگت بلتستان میں 71 اموات ہوئی اور گزشتہ چوبیس گھنٹوں کے دوران کوئی مریض فوت نہیں ہوا جبکہ آزاد کشمیر میں اس وائرس سے 64 اموات ہو چکی ہیں۔ اور گزشتہ 24گھنٹوں کے دوران ایک مریض فوت ہوا ہے۔ اب تک ملک بھر میں 26 لاکھ 84 ہزار 252 کورونا کے ٹیسٹس کیے گئے۔ملک بھر میں کورونا کے علاج کیلئے مختص 735 ہسپتالوں میں 1 ہزار 54 مریض زیر علاج ہیں۔
