گوجرانوالہ۔ 02 اپریل (اے پی پی):کمشنر سید نوید حیدر شیرازی ،آر پی او طیب حفیظ چیمہ نے ڈپٹی کمشنر نوید احمد ،سی پی او محمد ایاز سلیم رانا اور اسسٹنٹ کمشنرسٹی اقرا مبین کے ہمراہ عید الفطر کے موقع پر دارلامان کا دورہ کیا۔ انہوں نے دارلامان میں مقیم خواتین کے ساتھ چند لمحے گذارے، انہیں عید کی مبارکباد دی اور خواتین میں عید کی خوشی میں عید گفٹ اورمٹھائی تقسیم کی۔
بعد ازاں انہوں نے ڈسٹرکٹ جیل کا دورہ کیا، ڈسٹرکٹ جیل انتظامیہ نے ڈوثرنل و ضلعی انتظامیہ کے افسران اور ممبر صوبائی اسمبلی عمر فاروق ڈارکا پرتپاک استقبال کیا، اس موقع پر پولیس کے چاک و چوبند دستے نے کمشنر سید نوید حیدر شیرازی ،آر پی او طیب حفیظ چیمہ ،ڈپٹی کمشنر نوید احمد اور سی پی او محمد ایاز سلیم رانا کو سلامی پیش کی، افسران نے اسیران کو عید الفطر کی مبارک باد دی اور ان میں تحائف اور مٹھائی تقسیم کی سپرنٹینڈنٹ جیل جام آصف بھی انکے ہمراہ تھے۔
اس موقع پر کمشنر ،آر پی او،ڈپٹی کمشنر اور سی پی او نے اپنے مشترکہ بیان میں کہا کہ عید الفطر کی آمد ہر ایک کے لیے باعث رحمت ہے اور اسیران بھی عید الفطر کی خوشیوں میں برابر کے شریک ہیں، انہوں نے کہا کہ ڈسٹرکٹ جیل میں اسیران کو تمام بنیادی سہولیات کی فراہمی کے سلسلہ میں اقدامات کا سلسلہ جاری رکھا جائے،
انہوں نے کہا کہ عیدالفطر کے بابرکت دن کے موقع پر دعا ہے کہ تمام اسیران اسلامی تعلیمات کی پیروی کرتے ہوئے زندگی گزاریں اور ماضی کی کوتاہیوں کو بھول کر نیکی کے راستے پر چلیں۔
Short Link: https://urdu.app.com.pk/urdu/?p=577955
