ابوظہبی ۔23فروری (اے پی پی):متحدہ عرب امارات نے مختلف ممالک کے ہنرمند افراد کے لیے گرین اقامہ جاری کرنے کی نئی شرائط کا اعلان کردیا ہے۔ اردو نیوز کے مطابق وزارت افرادی قوت و شہریت کی جانب سے کہا گیا ہے کہ ایسے ہنرمند غیرملکی جو اپنے پیشے میں فنی مہارت رکھتے ہوں چار شرائط پوری کرنے پر گرین اقامے کے لیے درخواست دے سکتے ہیں۔
اماراتی فیڈرل اتھارٹی برائے شہریت کی جانب سے گرین اقامے کے لیے جو شرائط مقرر کی گئی ہیں ان کے مطابق مقررہ معیار پر پورا اترنے والے ہنرمند افراد کو مقامی کفیل کے بغیر گرین اقامہ جاری کیا جائے گا۔ مقررہ شرائط کے مطابق امیدوار کے پاس امارات میں کارآمد ورک پرمٹ جو اس کے پیشے سے متعلق معاہدے کے مطابق ہو۔
گرین اقامے کے امیدوار وزارت کی جانب سے جاری کردہ ہنرمند افراد کی کیٹیگری نمبر ون، ٹو یا تھری میں شامل ہواس کی تعلیمی قابلیت کم ازکم گریجویشن جبکہ کم از کم تنخواہ 15 ہزار درہم یا غیرملکی کرنسی میں اس کے مساوی ہو۔
