اسلام آباد۔5دسمبر (اے پی پی):نگران وزیر برائے منصوبہ بندی ،ترقی و خصوصی اقدامات محمد سمیع سعید نے منگل کو توانائی کے شعبے کے تحت جاری منصوبوں پر پیشرفت کا جائزہ لینے کیلئے ایک اجلاس کی صدارت کی۔چیف انرجی سیکشن نے مروجہ پالیسیوں اور پاور سیکٹر کے نئے اقدامات کے بارے میں نگران وزیر منصوبہ بندی کو تفصیلی بریفنگ دی ۔
بریفنگ میں نگران وزیر منصوبہ بندی کو بتایا گیا کہ اس سلسلے میں، مشترکہ مفادات کی کونسل (سی سی آئی ) نے جون 2021 میں نیشنل الیکٹرسٹی پالیسی، 2021 کی منظوری دی تھی جس میں پاور سیکٹر کی ترقی کے لئے چھ اصول طے کئے گئے تھے جن میں کارکردگی، شفافیت، مسابقت، مالیاتی عملداری اور ماحولیاتی ذمہ داری شامل ہیں جبکہ متعلقہ علاقوں میں پالیسی کے اہداف، اصولوں اور بنیادی ہدایات کو پورا کرنے کے مقصد کے لئے جیسا کہ قومی بجلی کی پالیسی میں فراہم کیا گیا ہے، حال ہی میں اگست 2023 میں CCoE کے ذریعے ایک مقصد پر مبنی قومی بجلی (این ای ) پلان کی منظوری دی گئی ہے۔
این ای پلان میں 20 انٹیگریٹڈ انرجی پلاننگ، سسٹم اور مارکیٹ آپریشنز، الیکٹریفیکیشن، ٹیرف ڈیزائن اور سبسڈی ریشنلائزیشن سمیت مداخلت کے ترجیحی شعبے پاور سیکٹر میں شروع کیے جانے والے نئے اقدامات شامل ہیں۔مزید برآں انرجی ونگ نے مزید اقدامات بھی تجویز کئے جن میں جنریشن، ٹرانسمیشن اور ڈسٹری بیوشن سیکٹرز کی مربوط انرجی پلاننگ، ٹرانسمیشن اور ڈسٹری بیوشن سیکٹر میں سرمایہ کاری جیسے دیگر اقدامات شامل ہیں۔
Short Link: https://urdu.app.com.pk/urdu/?p=416877
