انگلینڈ نے پاکستان کو 54 رنز سے ہرا کر پانچ میچوں کی سیریز 0-4 سے جیت لی ۔پانچویں اور آخری ایک روزہ میچ میںانگلینڈ نے پاکستان کو 54 رنز سے ہرا دیا

لیڈز ۔ 19مئی (اے پی پی) انگلینڈ نے پاکستان کو 54 رنز سے ہرا کر پانچ میچوں کی سیریز 0-4 سے جیت لی ۔پانچویں اور آخری ایک روزہ بین الاقوامی میچ میںانگلینڈ نے پاکستان کو 54 رنز سے ہرا دیا۔ برطانیہ نے پہلے کھیلتے ہوئے مقررہ50اوورز میں 9وکٹوں کے نقصان پر 351رنز بنائے جواب میںقومی ٹیم 46.5 اوورز میں 297 رنز پر آو¿ٹ ہو گئی۔ اتوار کو لیڈز میں کھیلے گئے پانچویں اور آخری ایک روزہ میچ میں انگلش قائد ایوان مورگن نے ٹاس جیت کر پہلے بیٹنگ کا فیصلہ کیا تو میزبان ٹیم نے مقررہ اوورز میں 9 وکٹوں کے نقصان پر 351 رنز کا مجموعہ ترتیب دیا، جونی بیئرسٹو اور جیمز ونس نے ٹیم کو 63 رنز کا آغاز فراہم کیا یہاں پر شاہین شاہ آفریدی نے ونس کو آﺅٹ کر کے ٹیم کو پہلی کامیابی دلائی، انہوں نے 33 رنز بنائے، 105 کے سکور پر انگلینڈ کی دوسری وکٹ گری جب بیئرسٹو 32 رنز بنانے کے بعد عماد وسیم کی گیند پر کیچ آﺅٹ ہوئے، اس موقع پر جوروٹ اور مورگن نے میدان سنبھالا، دونوں بلے بازوں نے شاندار بیٹنگ کرتے ہوئے تیسری وکٹ کی شراکت میں 117 رنز بنا کر سکور 222 تک پہنچا دیا، اس موقع پر شاہین آفریدی نے مورگن کو آﺅٹ کر کے اہم پارٹنرشپ توڑ دی، انہوں نے 5 چھکوں کی مدد سے 76 رنز کی اننگز کھیلی، 257 کے سکور پر روٹ جو کہ اچھی بیٹنگ کر رہے تھے 84 رنز بنانے کے بعد محمد حسنین کی گیند پر کیچ آﺅٹ ہوئے، اس کے بعد انگلینڈ کا کوئی بھی کھلاڑی بڑی اننگز نہ کھیل سکا، جوز بٹلر 34، بین سٹوکس 21، معین علی صفر، کرس ووکس 13 اور ڈیوڈ ویلے 14 رنز بنا کر آﺅٹ ہوئے، ٹام کیورن 29 اور عادل رشید 2 رنز بنا کر ناٹ آﺅٹ رہے، شاہین آفریدی نے 4، عماد وسیم نے 3 حسن علی اور محمد حسنین نے ایک، ایک وکٹ لی۔ پاکستان کی جانب سے فخرزمان اور عابد علی نے اننگز کا آغاز کیا لیکن دونوں ناکام ثابت ہوئے اور بالترتیب 0 اور 5 رنز بناکر آو¿ٹ ہوئے جس کے بعد محمد حفیظ بیٹنگ کے لیے لیکن وہ بھی کھاتہ کھولے بغیر پویلین واپس لوٹ گئے۔کپتان سرفراز احمد اور بابراعظم نے ذمہ دارانہ بیٹنگ کا مظاہرہ کرتے ہوئے چوتھی وکٹ کے لیے 146 رنز بنائے، اس دوران دونوں بلے بازوں نے نصف سنچریاں مکمل کیں، بابراعظم 80 رنز بنانے کے بعد رن آو¿ٹ ہوگئے۔ بدقسمتی سے سرفراز احمد صرف 3 رنز کی کمی سے اپنی سنچری مکمل نہ کرسکے اور رن آو¿ٹ ہوگئے جب کہ شعیب ملک بھی صرف 4 رنز کے ہی مہمان ثابت ہوئے۔آصف علی 22 ، عماد وسیم 25 اور حسن علی 11 رنز بناسکے جب کہ محمد حسنین نے 28، شاہین آفریدی نے 19 رنز بنائے۔ انگلینڈ کی جانب سے کرس ووکس 5 وکٹیں حاصل کرکے سب سے کامیاب بولر ثابت ہوئے۔