وفاقی وزیر صاحبزادہ محمد محبوب سلطان نے گلگت میں زرعی شعبہ کی ترقی کے لئے پانی کے نظام کی بہتری کے پروجیکٹ کا افتتاح کردیا

اسلام آباد ۔ 25 ستمبر (اے پی پی) وفاقی وزیر برائے قومی فوڈ سیکیورٹی اینڈ ریسرچ صاحبزادہ محمد محبوب سلطان نے گلگت میں زرعی شعبہ کی ترقی کے لئے پانی کے نظام کی بہتری کےلئے پروجیکٹ کا آغاز کردیا ہے۔ پرائم منسٹر نیشنل ایگری کلچر ایمرجنسی پروگرام کے تحت گلگت بلتستان میں ان منصوبوں سے زرعی شعبہ میں ترقی آئے گی اور پیداوار میں بھی اضافہ ہو گا۔ افتتاحی تقریب میں گورنر، وزیر اعلی گلگت بلتستان، صوبائی وزیر اور سیکرٹری برائے فشریز اینڈ لائیو اسٹاک ، چیف سیکرٹری جی بی اور جہانگیر خان ترین نے شرکت کی۔ اس موقع پر وفاقی وزیر نے کہا کہ گلگت بلتستان میں بیک یارڈ مرغی کا افتتاح کرنے اور پانی کے تحفظ کے لئے واٹر کورسز منصوبوں کے ذریعے افتتاح کرنے کا موقع بڑی مسرت کا باعث ہے۔ یہ تمام منصوبے بنیادی طور پر خوراک کی خود کفالت سے منسلک ہیں کیونکہ وزیر اعظم نے اپنی پہلی تقریر میں اس پر زور دیا تھا۔ انہوں نے خوراک اور غذائی اجزاءکی کمی اور اس کے نتیجے میں ہونے والی بیماریوں اور اموات کی شرح پر بھی تشویش کا اظہار کیا۔ گھر میں بیک یارڈ کے منصوبے کے تحت مرغی اپنے پروٹین کی کمی کو پورا کرنے اور مالی خود کفالت کرنے کے لئے کافی وسائل سے گھروں کو اعتدال پسند ذرائع سے لیس کریں گے۔ وفاقی سیکرٹری نے کہا کہ منصوبوں کا تعلق وفاقی اور صوبائی محکموں سے متعلقہ افراد سے مکمل غور و فکر کے ساتھ کیا گیا ہے۔