اسلام آباد ۔ 6 اکتوبر (اے پی پی) وفاقی وزیر برائے سائنس و ٹیکنالوجی چوہدری فواد حسین نے کہا ہے کہ مولانا فضل الرحمان ذاتی مفادات کیلئے آزادی مارچ کا پروپیگنڈا کر رہے ہیں۔ ان خیالات کا اظہار انہوں نے نجی ٹی وی سے گفتگو کرتے ہوئے کیا۔ وفاقی وزیر نے مولانا فضل الرحمان یا جمعیت علمائے اسلام (ف) پر جمہوری نظام کے خلاف سازش کرنے کے لئے پاکستان پیپلز پارٹی اور پاکستان مسلم لیگ (ن) سے بھاری رقم لینے کا الزام عائد کیا اور کہا کہ وہ اپنے قیدیوں کی رہائی کیلئے اوچھے ہتھکنڈے استعمال کر رہے ہیں ،جنہیں کرپشن الزامات کا سامنا ہے۔ انہوں نے کہا کہ جے یو آئی (ف) کے سربراہ اپنے اسلام آباد لاک ڈاو¿ن کے لئے 5 ہزار افراد جمع کرنے کی پوزیشن میں نہیں ہیں۔ انہوں نے مزید کہا کہ موجودہ حکومت پرامن احتجاج کی راہ میں کوئی رکاوٹ پیدا نہیں کرے گی لیکن اگر قانون کی خلاف ورزی کی گئی تو قانون حرکت میں آئے گا۔ انہوں نے کہا کہ مارچ کے پیچھے اصل مقصد پی پی پی اور مسلم لیگ (ن) کی قیادت کے خلاف احتساب کے عمل کو روکنا اور دینی مدارس میں اصلاحاتی عمل میں رکاوٹ پیدا کرنا ہے۔
