وزیراعظم عمران خان سے آذربائیجان کے صدر الہام علیوف کی عالمی اقتصادی فورم کے سالانہ اجلاس کے موقع پر ملاقات، دونوں ملکوںکا تمام شعبوں میں دو طرفہ تعلقات کو مزید مضبوط بنانے کے عزم کا اظہار

ڈیووس ۔ 22 جنوری (اے پی پی) پاکستان اور آذربائجان نے تمام شعبوں میں دو طرفہ تعلقات کو مزید مضبوط بنانے کے عزم کا اظہار کرتے ہوئے ایک دوسرے کے قومی معاملات پر باہمی حمایت کا اعادہ کیا ہے۔ وزیراعظم عمران خان سے آذربائیجان کے صدر الہام علیوف نے ڈیووس میں عالمی اقتصادی فورم کے سالانہ اجلاس 2020ءکے موقع پر ملاقات کی اور دونوں ممالک کے درمیان باہمی اعتماد اور حمایت پر مبنی دو طرفہ تعلقات کے تمام پہلوو¿ں پر تبادلہ خیال کیا۔ وزیر اعظم نے جموں و کشمیر پر او آئی سی رابطہ گروپ کے رکن کی حیثیت سمیت آذربائیجان کے قابل قدر کردار کو سراہا اور نگورنوکاراباخ کے مسئلے پر پاکستان کی طرف سے آذربائجان کی حمایت کا اعادہ کیا۔ آذربائیجان کے صدر نے مسلسل حمایت پر پاکستان کا شکریہ ادا کیا۔ وزیر اعظم نے آذربائیجان کے صدر کو مقبوضہ جموں و کشمیر میں انسانی حقوق کی سنگین اور منظم خلاف ورزیوں اور 5 اگست 2019ءکے بھارتی حکومت کے یک طرفہ اور غیر قانون اقدام سے آگاہ کیا۔ جہاں پر غیر انسانی لاک ڈاﺅن آج بھی جاری ہے۔ فریقین نے ایک دوسرے کے قومی معاملات کے لئے حمایت کا اعادہ کیا اور تمام شعبوں میں دو طرفہ تعلقات کو مزید مضبوط بنانے کا عزم ظاہر کیا ہے۔ ملاقات میں اس امر پر اتفاق کیا گیا کہ اعلیٰ سطح پر دو طرفہ رابطوں اور دورو ںکو برقرار رکھا جائے گا۔ الہام علیوف نے وزیر اعظم کو آذربائجان کے دورے کی دعوت بھی دی۔ ملاقات میں وزیر خارجہ مخدوم شاہ محمود قریشی اور اقوام متحدہ میں جنیوا میں پاکستان کے مستقل مندوب سفیر خلیل ہاشمی بھی موجود تھے۔